Proxectos á carta

Limiar teatro e Teatro del Hereje acumulamos unha ampla traxectoria en proxectos especiais ligados a diferentes campos como a historia, a gastronomía, o patrimonio, as novas tecnoloxías, o traballo comunitario ou a ciencia a través do teatro e as artes escénicas, achegando estas disciplinas ao público.

Nos últimos anos temos colaborado en proxectos de institucións públicas como a Deputación de Pontevedra, Turismo Rías Baixas, Ayuntamiento de Medina de Rioseco, Ayuntamiento de Medina del Campo, FECYT, CSIC ou en proxectos europeos mediante a creación de espectáculos, intervencións en galas ou proxectos deseñados a medida.

Foto: Castrexa.

Artes escénicas e patrimonio

As intervencións en patrimonio comprenden dende propostas en patrimonio material como visitas teatralizadas (Castelo de Soutomaior) ou espectáculos adaptados a espazos singulares (Castelo de Niebla, Biblioteca do Palacio de Galveias de Lisboa ou Fervenza de Barosa) ata traballos ligados ao patrimonio inmaterial e a recollida deste. (A lingua na boca ou A lingua de Contrabando).

Vídeo:

Fotos:

Catarata de Barosa, Biblioteca de Lisboa, Castillo de Soutomaior.

Artes escénicas e comunidade

O traballo coa comunidade céntrase especialmente en xerar propostas escénicas multidisciplinares nas que a través dun fío temático aglutinador se promova a participación da poboación local. Trátase de propostas de gran formato nas que participan centos de persoas e que ao tempo serven para valorizar espazos patrimoniais e xerar arraigo. Algúns exemplos poden ser a Subida ao Castro (Comesaña – Vigo), Mateo 16,18 (Medina de Rio Seco) ou Teresa e In Vino Veritas (Medina del Campo).

Vídeo:

Fotos:

Mateo 16,18, Subida al Castro, Teresa e In Vino Veritas

Galas

Dentro dos proxectos a medida aparecen as galas, presentacións e accións personalizadas como as realizadas para Turismo Rías Baixas, Concello de Rianxo, Deputación de Pontevedra ou CSIC coa presentación da campaña de turismo 2018, a inauguración do castelo de Soutomaior ou a dirección artística da gala de entrega de Premios Inspiraciencia.

Vídeo:

Fotos:

Fair Way (Diputación de Pontevedra), Inauguración del Castillo de Soutomaior (Turismo Rías Baixas) e Inspiraciencia (CSIC)

TEATRO 8D para persoas con cegueira

O 8D ou tamén chamado estéreo binaural é un tipo de son estéreo que tenta recrear unha sensación de “son en 3D”, similar ao de estar fisicamente dentro do espazo, no que se está a producir os sons. Diferenciase do son estéreo en que este reproduce o son nun rango de esquerda a dereita e en profundidade. Chámase 8D de oito direccións, que son o número de direccións que podemos percibir os sons nun espazo determinado. No espazo sonoro podemos apreciar: diante e detrás, arriba e abaixo, a esquerda e a dereita, no centro, mais lonxe ou mais preto, enriba ou debaixo de nós… as posibilidades son case infinitas con este sistema.

"Paio Gómez Chariño no Castelo de Soutomaior"

Fragmento de audio do espectáculo (é preciso usar auriculares para percibir a inmersión en 8D)